ATH verkefni nemenda um Ísland er hægt að skoða hér.

Í þessari viku höfum við í 4. ES verið að ræða um einelti, stríðni og almenn samskipti. Í framhaldi af góðri umræðu um þessi mál tókum við fram bókina Spor 4 sem er kennslubók í lífsleikni. Þar er farið í mörg veigamikil atriði í samskiptum eins og t.d. tillitssemi, umburðarlyndi og ábyrgð. Einnig ræddum við um rétt allra til að vera eins og þeir eru. Við byrjuðum á því að lesa sögur í bókinni sem allar tengjast  lífi í skólum og samskiptum nemenda þar. Nemendur unnu síðan saman í hópum og reyndu að finna lausnir á þeim vandamálunum sem upp komu í sögunum. Hver hópur skrifaði niður lausnir sem þeim datt í hug og kynntu þær fyrir hinum í bekknum. Sumir voru svo kjarkaðir að leika jafnvel lausnirnar fyrir bekkinn og þar komu sko margir á óvart.